విద్యార్థుల భద్రతే లక్ష్యం: జిల్లావ్యాప్తంగా ‘శక్తి’ టీమ్స్ అవగాహన సదస్సులు
నమిత న్యూస్ - Andhra Pradesh / Annamayya : మదనపల్లి - జనవరి 31 : జిల్లా ఎస్పీ శ్రీ ధీరజ్ కునుబిల్లి ఆదేశాల మేరకు విద్యార్థులలో సామాజిక అంశాలపై అవగాహన కల్పించడమే ధ్యేయంగా జిల్లావ్యాప్తంగా 'శక్తి' బృందాలు విస్తృత కార్యక్రమాలను నిర్వహించాయి. నేటి సమాజంలో విద్యార్థులు ఎదుర్కొంటున్న సవాళ్లు, తీసుకోవాల్సిన జాగ్రత్తలపై పాఠశాలలు, కళాశాలల్లో శక్తి టీమ్ సభ్యులు అవగాహన కల్పించారు. పోక్సో చట్టం: బాలలపై జరుగుతున్న లైంగిక వేధింపుల నిరోధక చట్టం పట్ల విద్యార్థులకు, ఉపాధ్యాయులకు విపులంగా వివరించారు. *గుడ్ టచ్ & బ్యాడ్ టచ్:* చిన్నపిల్లలు తమను తాము ఎలా రక్షించుకోవాలో, అపరిచితుల పట్ల ఎలా అప్రమత్తంగా ఉండాలో ప్రాక్టికల్గా వివరించారు. *బాల్య వివాహాల నిరోధం:* బాల్య వివాహాల వల్ల కలిగే అనర్థాలను వివరిస్తూ, అటువంటి ఘటనలు జరిగితే వెంటనే పోలీసులకు సమాచారం అందించాలని సూచించారు. *సైబర్ నేరాలు:* సోషల్ మీడియా వినియోగంలో తీసుకోవాల్సిన జాగ్రత్తలు, ఆన్లైన్ మోసాల బారిన పడకుండా ఉండే మార్గాలను తెలియజేశారు. మాదకద్రవ్యాల నిర్మూలన: గంజాయి, డ్రగ్స్ వంటి వ్యసనాలకు దూరంగా ఉండి, ఉజ్వల భవిష్యత్తును నిర్మించుకోవాలని విద్యార్థులకు పిలుపునిచ్చారు. విద్యార్థిని విద్యార్థులకు ఎస్పీ గారి సందేశం "విద్యార్థులు చట్టాలపై అవగాహన కలిగి ఉన్నప్పుడే నేరాలను అరికట్టడం సాధ్యమవుతుంది. ఎవరైనా వేధింపులకు గురైతే భయపడకుండా వెంటనే పోలీసులను ఆశ్రయించాలి. జిల్లాలో మహిళలు, చిన్నారుల రక్షణకు ‘శక్తి’ టీమ్స్ ఎల్లప్పుడూ అండగా ఉంటాయి." అని పేర్కొన్నారు.
Admin
Namitha News
మరిన్ని వార్తలు
Developed By :
