ఘనంగా హర్షవర్ధన్ రెడ్డి జన్మదిన వేడుకలు
పారిశుద్ధ్య కార్మికులకు బట్టల పంపిణీ, పేదలకు అన్నదాన కార్యక్రమం
నమిత న్యూస్ - Andhra Pradesh / Annamayya : ఘనంగా హర్షవర్ధన్ రెడ్డి జన్మదిన వేడుకలు పారిశుద్ధ్య కార్మికులకు బట్టల పంపిణీ.. అన్నదాన కార్యక్రమం వైసీపీ యువజన విభాగం అధ్యక్షుడు హర్షవర్ధన్ రెడ్డి జన్మదిన వేడుకలను సోమవారం మదనపల్లెలో ఘనంగా నిర్వహించారు. గవర్నమెంట్ హాస్పిటల్ సమీపంలోని వైసీపీ కార్యాలయం ఎదుట అభిమానులు, నాయకులు భారీ కేక్ కట్ చేసి ఉత్సాహంగా వేడుకలు జరుపుకున్నారు. ఈ సందర్భంగా పారిశుద్ధ్య కార్మికులకు బట్టలు పంపిణీ చేయడంతో పాటు అన్నదాన కార్యక్రమాన్ని నిర్వహించారు. ప్రజాసేవే లక్ష్యంగా సేవా కార్యక్రమాలు చేపట్టడం అభినందనీయమని పలువురు నాయకులు పేర్కొన్నారు. జన్మదిన వేడుకల్లో పాల్గొన్న నాయకులు, అభిమానులు హర్షవర్ధన్ రెడ్డికి శుభాకాంక్షలు తెలియజేశారు. కార్యకర్తలు పెద్ద సంఖ్యలో హాజరై సందడి చేశారు. సేవా కార్యక్రమాల్లో భాగంగా కార్మికులకు అవసరమైన వస్త్రాలు అందజేసి, భోజన ఏర్పాట్లు చేయడం ప్రత్యేక ఆకర్షణగా నిలిచింది. ఈ కార్యక్రమంలో వైసీపీ నాయకులు దండు రవిచంద్రారెడ్డి, మాజీ మున్సిపల్ వైస్ చైర్మన్ నూరు ఆజం, ప్రవీణ్ కుమార్ రెడ్డి, కిషోర్ కుమార్ రెడ్డి, కురవంక సర్పంచ్ చిప్పిలి చలపతి, పునీత్, కిరణ్, పూర్ణ, మహి, బాచి, అశోక్ రాయల్, టేకుపల్లి శ్రీనివాసులు, దీపు, కౌశిక్ రెడ్డి, రవి, శివ, హరి, సోము, గోవా, వైసీపీ నాయకులు, కార్యకర్తలు, హర్ష యువసేన సభ్యులు, అభిమానులు, యువత పెద్ద ఎత్తున పాల్గొన్నారు.
Reporter
Namitha News
మరిన్ని వార్తలు
Developed By :
