ప్రజా సమస్యల పరిష్కారానికి సోమవారం స్పందన అర్జీలను మీకోసం వెబ్సైట్లో నమోదు చేసుకోవచ్చు : కలెక్టర్ నిశాంత్ కుమార్
నమిత న్యూస్ - Andhra Pradesh / Annamayya : ప్రజా సమస్యల పరిష్కారానికి సోమవారం స్పందన అర్జీలను మీకోసం వెబ్సైట్లో నమోదు చేసుకోవచ్చు : కలెక్టర్ నిశాంత్ కుమార్ ప్రజల సమస్యలను స్వీకరించి వేగవంతంగా పరిష్కరించేందుకు సోమవారం ప్రజా సమస్యల పరిష్కార వేదిక కార్యక్రమాన్ని నిర్వహిస్తున్నట్లు అన్నమయ్య జిల్లా కలెక్టర్ నిశాంత్ కుమార్ తెలిపారు. జిల్లా కేంద్రం మదనపల్లితో పాటు గ్రామ, మండల, డివిజన్ స్థాయిల్లో ఈ కార్యక్రమం ఉదయం 10 గంటల నుంచి నిర్వహించనున్నట్లు ఆదివారం విడుదల చేసిన ప్రకటనలో పేర్కొన్నారు. ప్రజలు తమ అర్జీలను జిల్లా కలెక్టరేట్కు వచ్చి సమర్పించాల్సిన అవసరం లేకుండా [మీకోసం వెబ్సైట్](https://meekosam.ap.gov.in?utm_source=chatgpt.com) ద్వారా నమోదు చేసుకోవచ్చని తెలిపారు. నమోదైన అర్జీల స్థితి, ఇతర వివరాల కోసం 1100 కాల్ సెంటర్ను సంప్రదించవచ్చన్నారు. అర్జీదారులు ముందుగా తమ గ్రామ, మండల, డివిజన్ స్థాయి అధికారులకు సమస్యలను తెలియజేయాలని సూచించారు. అక్కడ పరిష్కారం కాని సమస్యలతో ఉన్న వారే జిల్లా కేంద్రంలో జరిగే ప్రజా సమస్యల పరిష్కార వేదికకు హాజరు కావాలని కలెక్టర్ పేర్కొన్నారు.
Reporter
Namitha News
మరిన్ని వార్తలు
Developed By :
